Кейинги 10-15 йилдан бери Ғарб сиёсатчилари ва матбуотчилари орасида "ислом" мавзуи энг кўп тилга олинадиган мавзу бўлиб қолди. Ора-чира қулоққа чалиниб қоладиган ижобий фикр-мулоҳазалар қаршисида асосан салбий муносабат устунлик қилиб келяпти. Кўп жиҳатдан ўзларининг ташаббуслари ва хатти-ҳаракатлари туфайли дунёда кечаётган турли-туман бало-қазоларга Ислом динини айбли қилиб кўрсатиб, омманинг фикри чалғитиляпти.